Iñaki Intxausti, ekoizlea
Baserrian jaio eta honen testuinguruan hazita, 2017an bizimoduari eta baserriko lanei buelta bat eman eta afizio izateaz gain ogibide hartzea erabaki nuen.
Hau aurrera eramateko baratzea eta behi kuadrilla handitu eta salmenta bide berriak jorratzen hasi nintzen.
Gaur gaurkoz, jarduera osoa irizpide ekologikoak jarraituz burutzen dut.
Zeraingo lurretan kokatutako 1,5 hta baratze maneiatzen ditut, 1200 metro negutegian direlarik.
Behiei dagokienean, 8 behi eta zezen batez osatutako taldea dut.
Ekoizpen ekologiko ziurtatua
2019tik Nekazaritza Ekologikoaren
Kontseiluan altan emanda dut ekoizpen
guztia, #2083 zenbakiaz identifikatuta.
Nekazaritza ekologikoa
Ziurtapenez haratago, lurrarekiko eta animaliekiko errespetu eta lan molde egokietan egiten dut lan.
Garaian garaiko produktuak ekoitziz eta urtean 50 barietate inguru landatuz.
Landare hautako asko Aleka hazitegiaren bidez eskuratuak ditut, nik neuk ere bertarako hazi batzuk biderkatzen ditudalarik.
Abeltzaintza ekologikoa
Animaliei dagokienean, eguraldiak uzten duen bitartean kanpoan izaten dira.
Negu inguruan etxean sorturiko belarra jaten dute kanpotik ekarri beharrik gabe eta, nahikoa ez denean, posible den bezain gertuenetik ekartzen dut, Goierriko Nekazal Kooperatibaren bitartez.
Lana honela eginaz okela honek duen karbona aztarna minimizatzen da.
Salmenta puntuak
Barazki otarrak
Goierrin banaketa astelehenetan
Garaian garaiko eta etxean ekoitzitako barazkiez osaturiko saskia jasotzeko aukera, urteko aste guztietan. Hilabeteko kuota: 50€
Haragi loteak
Etxez-etxeko banaketa
Kasu honetan etxez etxe egiten da banaketa eta urte guztian izaten da eskuragarri. Informazio gehiago hemen.
Segurako Zopazoka
Ostegunero 17:00-19:00
2021 urtean martxan jarritako proiektu berritzailea da. Urte askotan egin gabe zegoen azoka berreskuratu dugu herritarrok eta 4 ekoizle eta bertaratzen gara astero Segurako plazara.
Ordiziako Azoka
Asteazkenero goizez
Etxean ekoitzitako barazki eta fruta ekologikoak, eta baita inguruko eta proiektuko parte diren beste ekoizle txiki batzuen produktuak ere eskuragarri izaten dira bertan.